Kryebashkiaku i Tiranës, Erion Veliaj i premtoi banorëve që protestojnë pranë Parkut të Autobuzave në Tiranë, se kur të mbarojë kompleksi i pallateve zona do të ketë të njëjten sipërfaqe të gjelbëruar, si më parë.
Veliaj pranoi se nuk mund t’ia refuzonte pronarëve të tokës që ta zhvillojnë pronën e tyre private.
“Po sikur nesër të vijë dikush në shtëpinë tënde dhe të thotë “Këtu do të bëhet kinema! Po sikur?” pyeti Veliaj drejtuesen e emisionit, Eni Vasilin që tha se krahasimi nuk qëndronte sepse protestën e bënin qytetarët e Tiranës.
“Po sikur të vijnë qytetarët e Tiranës në shtëpinë tënde dhe të thonë “Këtu do të bëhet kinema!” ishte përgjigjia e Veliajt.
Prej disa ditësh banorët e zonës pranë Parkut të Autobuzëve protestojnë kundër shkatërrimit të lulishtes dhe ngritjes së një kompleksi pallatesh.
